PPA TEAM: పోలవరం ప్రాజెక్టును సందర్శించిన పీపీఏ బృందం

పోలవరం ప్రాజెక్టు అథారిటీ(ppa team) సీఈఓ చంద్రశేఖర్ అయ్యర్ నేతృత్వంలోని బృందం.. పోలవరంలో పర్యటించింది. ప్రాజెక్టులోని వివిధ పనులను పరిశీలించారు. నాలుగు రోజుల పర్యటనలో భాగంగా ఇవాళ పోలవరం ప్రాజెక్టును పరిశీలించిన బృందం.. రేపు, ఎల్లుండి ప్రాజెక్టు నిర్వాసిత గ్రామాల్లో పర్యటించనుంది.

పోలవరం ప్రాజెక్టును పోలవరం ప్రాజెక్టు అథారిటీ బృందం(ppa team) సందర్శించింది. అథారిటీ సీఈఓ చంద్రశేఖర్ అయ్యర్ నేతృత్వంలోని బృందం.. ప్రాజెక్టులోని వివిధ పనులను పరిశీలించారు. ముందుగా.. ఎగువ కాపర్ డ్యాంను సందర్శించి.. అక్కడ జరుగుతున్న పనులు తీరు గురించి ఇంజనీర్లను అడిగి తెలుసుకొన్నారు. అనంతరం స్పిల్ వే నుంచి గేట్ల ద్వారా వస్తున్న వరద ప్రవాహాన్ని పరిశీలించారు. స్పిల్ వే వంతెనపై గేట్ల అమరిక గురించి పోలవరం ప్రాజెక్టు అధికారులు, ఇంజనీర్ల నుంచి వివరాలు సేకరించారు.

నాలుగు రోజుల పాటు.. పీపీఏ బృందం పోలవరం ప్రాజెక్టు ప్రాంతంలో పర్యటించనుంది. బృందం సభ్యులు.. రేపు, ఎల్లుండి పోలవరం ప్రాజెక్టు నిర్వాసిత గ్రామాలను సందర్శించి వారి సమస్యలు తెలుసుకోనున్నారు.

ఇదీ చదవండి..