పశ్చిమ గోదావరి జిల్లా ద్వారకాతిరుమల మండలం రాళ్లకుంటకు చెందిన జి. నవీన్ ఆత్మహత్యకు పాల్పడ్డాడు. నవీన్ అదే గ్రామానికి చెందిన మరో వ్యక్తికి బాకీ ఉన్నాడు. అందరిముందు అప్పు తీర్చమని అడగటంతో.. అవమానంగా భావించిన నవీన్ శనివారం పురుగుల మందు తాగి ఆత్మహత్యాయత్నం చేశాడు. ఇది గమనించి కుటుంబసభ్యులు ద్వారకాతిరుమలలో ఓ ప్రైవేటు ఆసుపత్రికి తరలించారు. అక్కడనుంచి మెరుగైన వైద్యం నిమిత్తం ఏలూరు ఆసుపత్రికి తరలించారు. అక్కడ చికిత్స పొందుతూ మృతి చెందాడు. ఘటనపై ఎటువంటి ఫిర్యాదు అందకపోవటంతో కేసు నమోదు చేయలేదని ద్వారకాతిరుమల పోలీసులు తెలిపారు.
ఇదీ చదవండి: '2013 భూసేకరణ చట్టం ప్రకారం పరిహారం ఇవ్వాల్సిందే'
