పశ్చిమగోదావరి జిల్లా వేలేరుపాడు మండలం కొయిదాలో.. వృద్ధులకు ఫించన్ల సొమ్ములో నకిలీ నోట్లు ఉంచి పంపిణీ చేసిన కేసును పోలీసులు ఛేదించారు. ఈ ఘటనలో గ్రామ కార్యదర్శి పాతయ్య సహా మరో ఐదుగురిని అరెస్టు చేశారు. వారి వద్ద నుంచి రూ. 26.5లక్షల విలువచేసే 2 వేలు, ఐదు వందల నకిలీనోట్లను స్వాధీనం చేసుకున్నారు. నకిలీ నోట్లను మార్పిడి చేసేందుకు.. తూర్పుగోదావరి జిల్లాకు చెందిన ఐదుగురు వ్యక్తులు.. గ్రామకార్యదర్శి తో అవగాహన కుదుర్చుకున్నారని పోలీసులు తెలిపారు. ఈ క్రమంలో వృద్ధులకు ఇచ్చే పింఛన్లో ఆ నకిలీ నోట్లను ఉంచి పంపిణీ చేస్తున్నారని పేర్కొన్నారు.
పింఛన్లో నకిలీ నోట్ల పంపిణీ ముఠా అరెస్ట్
