దేవీశరన్నవరాత్రి మహోత్సవాల్లో భాగంగా పశ్చిమగోదావరి జిల్లా తణుకు మండలం దువ్వ గ్రామంలో ఉన్న దానేశ్వరి అమ్మవారు మూడవరోజు గాయత్రీ దేవి అలంకారంలో భక్తులకు దర్శనమిస్తున్నారు. ఉత్సవాల్లో భాగంగా అర్చకులు ప్రత్యేక పూజలు నిర్వహిస్తున్నారు. సకల మంత్రాలకు, అనుష్టానాలకు, ఉపనిషత్తులకు మూలమై భూమి, ఆకాశం, నీరు, అగ్ని, వాయువు, తేజస్సులను తనలో ఇముడ్చుకుని సత్వ, తమో, రజో గుణాలకు ప్రతీకగా సకల వేదాలకు వేదమాతగా గాయత్రీదేవి రూపంలో అమ్మవారు నవరాత్రుల్లో దర్శనమిస్తారని పురాణ కథనం. అలాంటి గాయత్రీదేవి అలంకారంలో అమ్మవారిని ఆరాధించిన వారికి వాక్ శుద్ధి కలుగుతుందని భక్తులు నమ్మకం. దీంతో జనం అధిక సంఖ్యలో ఆలయానికి వచ్చి మొక్కులు చెల్లించుకున్నారు.
ఇదీ చదవండి:
