ఇంజనీరింగ్ విద్యార్థి అనుమానాస్పద రీతిలో మృతి చెందిన సంఘటన పశ్చిమగోదావరి జిల్లా ఏలూరులో జరిగింది. పట్టణంలోని ఓ ఇంజనీరింగ్ కళాశాలలో పెనుగంచిప్రోలు మండలం లింగగూడెం గ్రామానికి చెందిన సునీల్ నాయక్ ద్వితీయ సంవత్సరం చదువుతున్నాడు. ఏలూరులో వట్లూరు హౌసింగ్ బోర్డ్ కాలనీలోని వసతి గృహంలో ఉంటున్న ఈ యువకుడు... శనివారం మృతి చెందాడు.
'నా చావుకు ఎవరు కారణం కాదు. జీవితం మీద విరక్తి చెంది ఆత్మహత్య చేసుకుంటున్నా' అని మృతుడి పేరుతో ఉన్న ఓ లేఖ పోలీసులకు లభ్యమైనట్లు తెలిసింది. అనుమానాస్పద మృతిగా పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి
దుర్గ గుడి వెండి సింహాల కేసులో నిందితులు అరెస్టు.. చోరీ ఎలా జరిగిందంటే?
