TRACTOR ACCIDENT: విజయనగరం జిల్లా బొండపల్లి మండలం చామలవలస వద్ద ట్రాక్టర్ బోల్తా పడింది. ఈ ప్రమాదం జరిగిన సమయంలో ట్రాక్టర్‌లో 35 మంది ప్రయాణిస్తున్నారు. ప్రమాదంలో 22 మందికి గాయాలు కాగా.. ఆరుగురి పరిస్థితి విషమంగా ఉన్నట్లు తెలుస్తోంది.
కిండాం అగ్రహారంలో వివాహానికి హాజరై తిరిగి వస్తుండగా ఈ ఘటన చోటుచేసుకుంది. క్షతగాత్రులు మెంటాడ మండలంలోని చింతాడవలస వాసులుగా గుర్తించారు. ప్రమాద సమాచారం అందుకున్న 108 సిబ్బంది సంఘటనా స్థలానికి చేరుకుని., క్షతగాత్రులను గజపతినగరం, విజయనగరం ఆసుపత్రులకు తరలించారు. వీరందరినీ మెరుగైన చికిత్స కోసం విశాఖ కేజీహెచ్కు తరలించారు. క్షతగాత్రులల్లో చందక లక్ష్మి, చందక వరలక్ష్మి, సిరపురపు సత్యం, బొగుల సూర్యనారాయణ, చందక కన్నయ్య లతో పాటు మరొకరు ఉన్నారు. ప్రమాదంపై పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి:
Accident: ఆటోను ఢీకొన్న లారీ.. చిన్నారి మృతి.. వాగులో ఐదుగురు గల్లంతు
