విజయనగరం జిల్లా సాలూరు మండలం కొఠియా గ్రూపు గ్రామాలపై పట్టు కోసం ఒడిశా దుందుడుకు చర్యలకు పాల్పడుతోంది. సాలూరు మండలం మైదాన ప్రాంతం నేరెళ్ల వలసలో ఆ రాష్ట్ర ఎమ్మెల్యే ప్రీతం పాడి సోమవారం ఒడిశా రైస్ సెంటర్ను ప్రారంభించారు. నేరెళ్లవలస, జాకర వలస, కుంభిమడ, దొరల తాడివలస, మూల తాడివలస, దూల భద్ర చెందిన వివాదాస్పద గ్రామాల గిరిజనులకు ఈ కేంద్రంలో ఇక నుంచి ప్రతి నెలా ఒడిశా బియ్యం అందించనున్నారు. ఈ కేంద్రంలో 298 మంది కార్డుదారులకు ప్రతి నెల 15 కిలోల బియ్యం అందించనున్నారు.
కొఠియా వివాదాస్పద గ్రామాల అభివృద్ధికి ఒడిశా ప్రత్యేక ప్రాధాన్యత ఇస్తుందని ఎమ్మెల్యే ప్రీతంపాడి చెప్పారు. నేరెళ్లవలసలో ఆంధ్రప్రదేశ్కు చెందిన భవనం పక్కనే హూటాహుటిన పక్కా భవనం నిర్మించి రేషన్ సబ్ సెంటర్ను ప్రారంభించడం ఒడిశా దూకుడుకు పరాకాష్ట. ఈ గ్రామానికి సమీపంలో ఒడిశా 67 లక్షలతో వసతి గృహం నిర్మిస్తోంది.
ఇదీ చదవండి:
