'రూ.కోటి నిధులతో సంక్షేమ కార్యక్రమాలకు శ్రీకారం'

విజయనగరం జిల్లా నెల్లిమర్ల నియోజకవర్గంలో కోట్ల రూపాయలతో సంక్షేమ కార్యక్రమాలకు శ్రీకారం చుడుతున్నామని ఎమ్మెల్యే బడ్డుకొండ అప్పలనాయుడు అన్నారు. భోగాపురం మండలంలో అభివృద్ధి కార్యక్రమాలకు ఆయన శంకుస్థాపన చేశారు.

విజయనగరం జిల్లా భోగాపురం మండలంలో కోటి ఇరవై లక్షల రూపాయల నిధులతో సచివాలయాలు, రైతు భరోసా కేంద్రాలకు ఎమ్మెల్యే బడ్డుకొండ అప్పలనాయుడు శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ నెల్లిమర్ల నియోజకవర్గంలోని అన్ని మండలంలోనూ మౌలిక వసతుల కల్పనకు ఏడాది కాలంగా సుమారు 70 కోట్ల నిధులు వెచ్చించామని తెలిపారు ఈ కార్యక్రమంలో మండల పార్టీ అధ్యక్షులు సూర్యనారాయణ రెడ్డి, పీఎసీఎస్ ఆధ్యక్షులు గోవిందరావు, అధికారులు పాల్గొన్నారు.

ఇదీచదవండి.