తూర్పుగోదావరి జిల్లా నుంచి బియ్యం లోడును విజయనగరం జిల్లా సాలూరు పెదమార్కెట్కు తీసుకువచ్చారు. సరకు అన్లోడ్ అయితే తిరిగి సొంతూరుకు వెళ్లిపోయేవారు.. కానీ ఎమైందో ఏమో.. ఉన్నచోటే ఒక్కసారిగా కుప్పకూలి మృతి చెందారు. సామర్లకోటకు చెందిన లారీ డ్రైవర్ ఏసబ్బాయి అధికారులు పట్టించుకోకపోవటంతో సుమారు 2 గంటల పాటు మృతదేహం అక్కడే ఉండిపోయింది.
ఎస్ఐ ఫకృద్ధీన్ తెలిపిన వివరాల ప్రకారం.. పెద్దాపురం నుంచి లారీలో బియ్యం లోడుతో డ్రైవర్, క్లీనర్ సాలూరు చేరుకున్నారు. అన్లోడ్ అయ్యేలోపు భోజనం చేసి రమ్మని క్లీనర్ని పంపించాడు. తిరిగి వచ్చేసరికి పడిపోయి ఉన్నాడు. ఎందుకు పడిపోయాడోనని.. లేపే ప్రయత్నం చేయగా.. మృతి చెందినట్లు గుర్తించాడు. దీనిపై పట్టణ పోలీసులకు క్లీనర్ ఫిర్యాదు చేశాడు. ఘటనాస్థలానికి పోలీసులు చేరుకొని విచారణ చేపట్టారు. కుటుంబ సభ్యులకు ఫోన్ ద్వారా సమాచారం అందించారు. మృతిపై కేసు నమోదు చేసి దర్యాప్తు చేస్తామని ఎస్ఐ చెప్పారు.
ఇదీ చూడండి:
చివరి దశకు చేరుకున్న పురపోరు... పోటాపోటీగా అధికార, విపక్షాల ప్రచారం
