నగదు పంపిణీలో వివాదం
విజయనగరం జిల్లా డెంకాడ మండలం బంగార్రాజుపేటలో కరోనా కారణంగా ప్రభుత్వం పేదలకు నగదు పంపిణీ చేస్తున్న కార్యక్రమంలో వైసీపీ, తెదేపా కార్యకర్తల మధ్య వివాదం జరిగింది. ప్రభుత్వం ఆర్థికసాయం నగదు పంపిణీ అందజేసేందుకు బియ్యం కార్డుదారుల ఇళ్లకు గ్రామ వాలంటీరు కొయ్య శ్రీను, వైకాపా కార్యకర్తలు వెళ్లారు. తన ఇంటికి గుంపుగా వచ్చిన వారిని చూసిన తెదేపా నేత సత్యనారాయణరెడ్డి కరోనా ముప్పు ఉన్నందున ఎక్కువమంది కలిసి రాకూడదని అడ్డుకున్నారు. వారి మధ్య మాటామాటా పెరిగి ఇరువర్గాల మధ్య తోపులాట జరిగింది. ఆ సమయంలో సత్యనారాయణకు చేతికి గాయాలయ్యాయి. తమపై వైకాపా కార్యకర్తలు దాడి చేశారని తండ్రీకొడుకులు పోలీసులకు ఫిర్యాదు చేశారు.
