విజయనగరంలో సేవా వాహనాలు ప్రారంభం

విజయనగరం యూత్ ఫేస్​బుక్ గ్రూప్ చేస్తున్న సేవలను వైకాపా జిల్లా వ్యవహారాల సమన్వయకర్త మజ్జి శ్రీనివాసరావు ప్రశంసించారు. కొవిడ్ బాధితులకు సేవలందించేదుకు ఏర్పాటు చేసిన ఐదు సేవా వాహనాలను ఆయన ప్రారంభించారు.

కరోనాతో మరణించిన వారి మృతదేహాలకు అంత్యక్రియలు నిర్వహిస్తున్న విజయనగరం యూత్ ఫేస్​బుక్ గ్రూప్​నకు చెందిన ఐదు సేవా వాహనాలను.. వైకాపా జిల్లా వ్యవహారాల సమన్వయకర్త మజ్జి శ్రీనివాసరావు ప్రారంభించారు. కరోనా విజృంభిస్తున్న ప్రస్తుత పరిస్థితుల్లో కొవిడ్ బాధితులకు, కొవిడ్ మృతులకు విజయనగరం యూత్ ఫేస్​బుక్ గ్రూప్ అందిస్తున్న సేవలు అభినందనీయమని అన్నారు.

ఇప్పటివరకు కరోనాతో మృతి చెందిన 200 మంది మృతదేహాలను వారి స్వగ్రామాలకు తరలించడంతో పాటు, సుమారు 50 మృతదేహాలకు సొంత ఖర్చులతో అంతిమ సంస్కారాలు చేయడం హర్షణీయమని తెలిపారు.

ఇదీచదవండి.