పిడుగు పాటుకు మూగజీవాల మృత్యువాత

పిడుగుపాటుకు రెండు ఎద్దులు, ఒక గేదె మృతి చెందిన ఘటన విజయనగరం జిల్లా కురుపాం మండలంలో చోటు చేసుకుంది. మృతి చెందిన పశువులకు సంబంధించి తనకు పరిహారం చెల్లించాలని బాధిత రైతు కోరుతున్నాడు.

విజయనగరం జిల్లా కురుపాం మండలం గోటివాడ గ్రామంలో బుధవారం సాయంత్రం భారీ వర్షం కురిసింది. ఈ సమయంలో పెద్దగా ఉరుములు మెరుపులతో వరసగా పలుచోట్ల పిడుగులు పడ్డాయి. సమీపంలో ఉన్న పొలంలో తిమ్మక శంకర్ రావు అనే గిరిజన రైతుకు చెందిన రెండు దుక్కిటెడ్లు పిడుగులు పడి అక్కడికక్కడే మృతి చెందాయి. అలాగే జియ్యమ్మవలస మండలం పిప్పలభద్ర గ్రామంలో ఓ రైతుకి చెందిన పాడి గేదె మృత్యువాత పడింది.

ఇది చదవండి రాష్ట్రంలో మరో 98 కరోనా పాజిటివ్‌ కేసులు