'సుధాకర్​కు అందిస్తున్న చికిత్సపై అనుమానాలున్నాయి'

వైద్యుడు సుధాకర్​కు అందిస్తున్న చికిత్సపై తమకు అనుమానాలున్నాయని ఆయన కుటుంబ సభ్యులు పేర్కౌన్నారు. కావాలనే దుష్ప్రభావం చూపించే మందులు ఇస్తున్నారని ఆరోపించారు. సుధాకర్​ను వేరొక ఆసుపత్రికి పంపించాలని కోరారు.

వైద్యుడు సుధాకర్​కు సరైన వైద్య సదుపాయం అందడంలేదని ఆయన కుటుంబ సభ్యులు తీవ్ర ఆవేదన వ్యక్తం చేశారు. ప్రభుత్వ మానసిక వైద్యశాల సూపరింటెండెంట్​కు సుధాకర్ రాసిన లేఖపై వారు స్పందించారు. ఆరోగ్యంగా ఉన్న వ్యక్తిపై మానసిక రోగి అని ముద్ర వేసి ఉద్దేశపూర్వకంగా దుష్ప్రభావం చూపించే మందులు ఇస్తున్నారని చెప్పారు. ఆసుపత్రిలో సుధాకర్​కి చికిత్స అందిస్తున్న వైద్యుడిని వివరాలు అడిగినప్పటికీ తమకు ఏ విధమైన సమాధానం రావడం లేదన్నారు. సుధాకర్​ను వేరొక ఆసుపత్రికి పంపించే దిశగా చర్యలు తీసుకోవాలని వారు కోరారు. సుధాకర్ విషయంలో పూర్తి స్థాయిలో న్యాయం జరిగే వరకు తమ పోరాటం కొనసాగుతుందని ఆయన తల్లి కావేరిబాయి స్పష్టం చేశారు.