"విశాఖలోని పేదలందరికి ఇళ్లు ఇవ్వాలి"

అసెంబ్లీ సమావేశాల్లో గృహ నిర్మాణాలపై చర్చ జరిగింది. విశాఖ తూర్పు ఎమ్మెల్యే వెలగపూడి రామకృష్ణ పేదలందరికీ ఇళ్లు ఇవ్వాలని కోరారు. దీనిపై మంత్రి బొత్స సత్యనారయణ సమాధానమిచ్చారు.

విశాఖ తూర్పు శాసన సభ్యుడు వెలగపూడి రామకృష్ణ పట్టణ గృహ నిర్మాణాలపై ప్రభుత్వాన్ని ప్రశ్నించారు. పేదలందరికీ ఇళ్లు ఇస్తామని.. మేనిఫేస్టోలో చెప్పారని... బడ్జెట్​లో మాత్రం 300 ఎస్​ఎఫ్​టీ ఉన్న వారికే ఇస్తామని చెప్పడం ఎంతవరకూ సబబన్నారు. ఈ విషయంపై మంత్రి బొత్స స్పందించారు. అర్హులందరికీ ఇళ్లు కట్టిస్తామని జవాబిచ్చారు.