ప్రయాణికుల ఇబ్బందులు దృష్ట్యా విశాఖ రైల్వే స్టేషన్లో మరిన్ని వెసులుబాట్లు కల్పించారు. ఇప్పటివరకు జ్ఞానాపురం వైపు నుంచి మాత్రమే ప్రయాణికులను టిక్కెట్ ఉన్న వారిని పరీక్షించి స్టేషన్లోకి అనుమతించేవారు. రైల్వే స్టేషన్ ప్రధాన ద్వారం నుంచి బయటకు వెళ్లేందుకు అవకాశం ఇచ్చేవారు. దీనివల్ల ప్రయాణికులు చాలా ఇబ్బందులు పడుతున్నారని, పిల్లలు, వృద్ధులు చాలా దూరం నడవాల్సి వస్తోందని అధికారులకు పలు విజ్ఞప్తులు చేరాయి. కొవిడ్ నిబంధనలను పాటిస్తూనే ఈ రాకపోకల మార్గాలపై వెసులు బాటు కల్పించాలని నిర్ణయించారు. ఇకపై ప్రధాన మార్గం ఒక గేటు నుంచి వెళ్లేందుకు మరో గేటు నుంచి బయటకు వచ్చేందుకు ప్రయాణికులకు వెసులుబాటు కల్పించారు. అటు జ్ఞానాపురం గేటు వైపు కూడా ఇదే రకమైన విధానాన్ని అనుసరించాలని నిర్ణయించి, దానికి తగిన ఉత్తర్వులను ఇచ్చినట్టు సీనియర్ డివిజనల్ కమర్షియల్ మేనేజర్ త్రిపాఠి వెల్లడించారు.
ఇదీ చదవండి: పంచాయతీ ఎన్నికలపై ప్రభుత్వానికి హైకోర్టులో చుక్కెదురు
