రెడ్ జోన్ ప్రాంతంలో నిత్యావసర సరకుల పంపిణీ

చీడికాడ మండలం ఎల్.బి.పట్నం గ్రామాన్ని అధికారులు రెడ్ జోన్​గా ఏర్పాటు చేశారు. అక్కడున్న పేద ప్రజలకు కొంత మంది యువత నిత్యావసర సరుకులు అందించారు.

విశాఖ జిల్లా చీడికాడ మండలం ఎల్.బి.పట్నంలో ఇటీవల హైదరాబాద్ నుంచి వచ్చిన ఓ యువకుడికి కరోనా వైరస్ నిర్ధరణ అయ్యింది. అప్రమత్తమైన అధికారులు ఆ ప్రాంతాన్ని రెడ్​జోన్​గా ప్రకటించారు. దీంతో అక్కడున్న పేద కుటుంబాలు నిత్యావసర సరకులు, కూరగాయలు అందక ఇబ్బంది పడుతున్నారు. వీరి కోసం బండారు నాని, పంచాడ సురేశ్ తమ వంతు బాధ్యతగా నిత్యావసర సరుకులను పంపిణీ చేశారు. రూ.10 వేల విలువైన నిత్యావసర సరకులను 50 కుటుంబాలకు అందజేశారు.

ఇదీ చదవండి :