విశాఖ జిల్లా యలమంచిలి సమీపంలోని జాతీయ రహదారిపై కొక్కిరాపల్లి వద్ద జరిగిన రోడ్డు ప్రమాదంలో ఇద్దరు యువకులు అక్కడికక్కడే మృతి చెందారు. ఎలమంచిలి భూలోకమాంబ జాతర చూడటానికి వెళ్లిన వీరు ఇంటికి తిరుగు ప్రయాణం చేస్తుండగా.. లారీ ఢీకొట్టడంతో ప్రమాదం జరిగింది. ఈ ప్రమాదంలో కసింకోట మండలం సోమవారం గ్రామానికి చెందిన తులసి రావు, పవన్ కుమార్ మృతి చెందారు. మిత్రులైన ఇద్దరు యువకులు బుల్లెట్ బండిపై ఎలమంచిలి జాతరకు వచ్చి అకాలంగా మృత్యువాతపడ్డారు. వీరి మృతదేహాలను ఎలమంచిలి మార్చురీకి తరలించారు. ఘటనపై గ్రామీణ పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి: DEAD: రోడ్డు ప్రమాదంలో ఇద్దరు మృతి.. ఒకరి పరిస్థితి విషమం
