దివ్యాంగులను జంటగా చేశారు... దగ్గరుండి వివాహం జరిపించారు!

వారిద్దరూ... దివ్యాంగులు. వారికి వివాహం కాలేదని తల్లిదండ్రులు మదన పడుతుండేవారు. అందుకే ఆ ఇద్దరూ జీవితంలో ఒకరికి ఒకరు తోడు కావాలనుకున్నారు. పెద్దలు అండగా నిలిచారు. ఈ క్రమంలో ఆ ఇద్దరికి గ్రామ పెద్దలు దగ్గరుండి వివాహం జరిపించారు. విశాఖ జిల్లా కె.కోటపాడులో జరిగిన ఈ వివాహం విశేషాలివి.

విశాఖపట్నం జిల్లా కె.కోటపాడు మండలం మేడిచర్లకు చెందిన గుమ్మాల వెంకటరావు దివ్యాంగుడు. కింతాడ గ్రామానికి చెందిన మాధవి.. తన మనస్సులోని భావాలు మాటలతో వెల్లడిచ లేని మూగ యువతి. వీరిద్దరికీ పెద్దల సమక్షంలో వివాహం జరిపించారు.

ఇరు గ్రామాల పెద్దలే బంధువులుగా వివాహాన్ని నిర్వహించారు. తమ చేతుల మీదుగా ఇద్దరిని జంటగా చేయడం ఆనందంగా ఉందన్నారు. మాజీ ఎమ్మెల్యే పూడి మంగపతిరావు, నాయకులు ముత్యాలనాయుడు, నరసింహనాయుడు, సూర్యనారాయణ, నారాయణ మూర్తి, చిట్టెమ్మ పాల్గొన్నారు.

ఇవీ చూడండి: