కొయ్యూరు మండలం ఆదివాసులు.. తాము నిర్మించుకున్న రహదారిని ఉపాధి పనుల కింద గుర్తించాలని నెత్తిన బరువుతో నిరసన తెలిపారు. గిరిజన సంఘం, సీపీఎం సంయుక్త ఆధ్వర్యంలో ఆందోళన చేశారు. ఈ గ్రామాలను పాడేరు ఐటీడీఎ పీఓ స్వయంగా పరిశీలన చేయాలన్నారు. ఈ రహదారి నిర్మాణానికి సంబంధించి గతంలో ఎన్నోసార్లు రాజకీయ నాయకులకు, అధికారులకు వినతి పత్రాలు అందజేసినా ప్రయోజనం లేదని.. తామే స్వయంగా శ్రమదానంతో నిర్మాణం చేసుకున్నామని ఆదివాసులు పేర్కొన్నారు. ఈ క్రమంలోనే సుమారు ఎనిమిది కిలోమీటర్ల మేర దట్టంగా ఉన్న చెట్లను.. శ్రమదానం ద్వారా తొలగించి.. రహదారి ఏర్పాటు చేసుకున్నామని వెల్లడించారు.
ఇదీ చదవండి: గళమెత్తి పోరాటం చేయటమనేది తెలంగాణ ప్రజల్లో ఉంది: పవన్
