టిక్ టాక్ స్టార్ భార్గవ్ చిప్పాడను పోలీసులు అరెస్ట్ చేశారు. టీవీ ఛానళ్లలో అవకాశాల పేరుతో ఓ బాలికను భార్గవ్ మోసం చేశాడు. టిక్టాక్లో స్టార్ని చేస్తానని, పలు టీవి ఛానళ్లలో పాపులర్ చేయిస్తానని నమ్మించి విశాఖ పెందుర్తి ప్రాంతానికి చెందిన ఓ మైనర్ బాలికను చిప్పాడ భార్గవ్ లోబర్చుకున్నాడు. బాలిక గర్భం దాల్చడంతో ఈనెల 16న ఆమె తల్లి పోలీసులకు ఫిర్యాదు చేసింది. ఈ మేరకు కేసు నమోదు చేసిన పెందుర్తి పోలీసులు.. విచారణ చేపట్టి హైదరాబాద్‌లో భార్గవ్‌ను అరెస్ట్ చేశారు. అతడిపై పోక్సో, పలు సెక్షన్ల కింద కేసు నమోదు చేశారు.
నిన్న కోర్టులో హాజరుపరిచామని.. మే 3వరకు న్యాయస్థానం రిమాండ్‌ విధించినట్లు పోలీసులు తెలిపారు. భార్గవ్ చిప్పాడ విజయనగరం జిల్లా వాసి అని దిశ ఏసీపీ ప్రేమ్‌ కాజల్‌ వెల్లడించారు. అతని వద్ద నుంచి కారు, సెల్ఫోన్ స్వాధీనం చేసుకున్నట్లు పేర్కొన్నారు.
ఇవీ చూడండి...
