ఆంధ్రా-ఒడిశా సరిహద్దులో రాజా గుహలు
Raja Caves in Visakhapatnam district విశాఖ జిల్లా హుకుంపేట మండలం పామురాయి నుంచి 3 కిలోమీటర్లు, ఒడిశాలోని ముక్తిమామిడి మధ్యలో ఓ కొండ ఉంటుంది. ఆ కొండ పైభాగాన ఉన్నదే రాజా గుహ. ఈ గుహలోకి వెళ్లడానికి సరైన దారిలేదు. ఔత్సాహికులెవరైనా సాహస ప్రయాణం చేయాల్సిందే. కాలినడకన సుమారు గంట సేపు కొండ ఎక్కితే గుహ కనిపిస్తుంది. 80 మీటర్ల పొడవైన ఈ గుహలో... చాలా చల్లగా ఉంటుంది. పక్షుల కిలకిలారావాలతో వాతావరణం ఆహ్లాదకరంగా అనిపిస్తుంది.
పూర్వం మాడుగుల భూపతి రాజులు..ఒడిశా రాజులు వేటకు వచ్చి ఈ గుహలో సేదతీరే వారని స్థానికులు చెప్తున్నారు. దీనికి రాజా గుహగా ఒడిశాలో నామకరణం చేసి ఉంది. కొండ ఎక్కేందుకు మార్గం ఏర్పాటు చేస్తే రాజావారి గుహ పర్యాటకంగా అభివృద్ధి చెందుతుందని స్థానికులు ఆశిస్తున్నారు.
ఇదీ చదవండి..
పెంచిన హరితపన్ను వసూలు నిలిపివేయండి.. సీఎంకు లారీ యజమానుల సంఘం లేఖ
