విశాఖ జిల్లాలో దేవదాయ శాఖ పరిధిలో ఉన్న స్థలాలను స్వాధీనం చేసుకునేందుకు ఆ శాఖ అధికారులు శ్రీకారం చుట్టారు. చోడవరం పట్టణంలో స్వయంభు గౌరీశ్వర ఆలయం వద్ద పుష్కరిణి గట్టును అక్రమించి స్థిర నివాసమున్న వారి ఇళ్లు, రేకుల షెడ్డులను తొలగించే పనులు ప్రారంభించారు. సర్వే నెం. 101/1,102/2,101/3లలో 3.78 ఎకరాలలో పుష్కరిణి ఉంది. ఈ పుష్కరిణి చుట్టూ ఉన్న గట్టును కొందరు వ్యక్తులు అక్రమించేశారు. ట్రైబ్యునల్ తీర్పుతో అక్రమ నిర్మాణాలను తొలగిస్తున్నట్లు దేవదాయ శాఖ సహాయక కమిషనర్ కె.శాంతి తెలిపారు. పుష్కరిణి గట్టుపై ఉన్న ఆర్అండ్బీ కార్యాలయానికి నోటీస్ ఇవ్వాలని సహాయక కమిషనర్ అదేశించారు. ఈ తొలగింపులో ఇన్స్పెక్టర్ శ్రీ నివాసరాజు, కార్యనిర్వహణాధికారులు శాస్ర్తీ, సత్యనారాయణ, సిబ్బంది, పోలీస్ సబ్ ఇన్స్పెక్టర్లు పాల్గొన్నారు.
ఇదీ చూడండి. 'మరింత పకడ్బందీగా అమలు చేయడానికే..నగదు బదిలీ తీసుకొచ్చాం'
