విశాఖపట్నం రైల్వే స్టేషన్ను రాజ్యసభ సభ్యులు జీవీఎల్ నరసింహారావు సందర్శించారు. ఒకటి, ఎనిమిది ప్లాట్ ఫారంలను పరిశీలించిన ఆయన ఇక్కడ సౌకర్యాలు పట్ల సంతృప్తి వ్యక్తం చేశారు. అనంతరం మీడియాతో మాట్లాడారు. విశాఖపట్నం రైల్వే స్టేషన్లో సౌకర్యాలను పరిశీలించామని.. రైల్వే స్టేషన్ను చాలా పరిశుభ్రంగా నిర్వహిస్తున్నారని కితాబిచ్చారు.
పరిశుభ్రతలో దేశంలోనే విశాఖ రైల్వేస్టేషన్ మొదటి స్థానంలో ఉందని.. ఇక్కడి మౌలిక వసతులు చాలా బాగున్నాయని. వాటిని మరింత అభివృద్ధి చేస్తామని తెలిపారు. భవిష్యత్లో 600 కోట్ల రూపాయలతో రైల్వే స్టేషన్లను.. ఎయిర్ పోర్ట్లకు ధీటుగా అబివృద్ధి చేస్తామని తెలిపారు. ఈ పర్యటనలో జీవీఎల్తో పాటు ఎమ్మెల్సీ మాధవ్, మాజీ ఎమ్మెల్యే విష్ణు కుమార్ రాజు పాల్గొన్నారు.
ఇదీ చదవండీ.. NCRB: రాష్ట్రంలో నేరాలు 15 శాతం తగ్గాయి
