విశాఖ జిల్లా పెందుర్తి మండ‌లం జుత్తాడలో బ‌మ్మిడి కిర‌ణ్ కుటుంబానికి చెందిన ఆరుగురిని హ‌త‌మార్చిన ఘటన సంచలనం సృష్టించింది. దీంతో ప్రశాంతంగా ఉండే గ్రామంలో ఉద్రిక్త పరిస్థితులు నెలకొన్నాయి. పసిపిల్లలు అని కూడా చూడకుండా పాశ‌వికంగా దాడి చేసిన ఈ ఘటన స్థానికులను కలచివేసింది. పోస్టుమార్టం కోసం మృతదేహాలను జిల్లాలోని కింగ్ జార్జి ఆస్పత్రికి తరలించిన అనంతరం.. చాలా మంది గ్రామస్థుల ఇళ్లకు తాళాలు వేశారు.
ఇదీ చదవండి: కిరాతకం: 20 నిమిషాల్లో ఆరుగురిని తెగనరికాడు
హృదయ విదారకర ఘటనతో ఆవేదనకు గురైన గ్రామస్థులు సమీపంలోని వారి బంధువుల ఇళ్లకు వెళ్లిపోయారు. దీంతో గ్రామంలోని వీధులన్నీ నిర్మానుష్యంగా మారిపోయాయి. అక్క‌డ‌క్క‌డ మాత్ర‌మే జ‌న‌సంచారం క‌నిపిస్తోంది. ఈ రోజు పోస్టాఫీసు, గ్రామ స‌చివాల‌యం మాత్ర‌మే ప‌నిచేస్తున్నాయి. మిగిలిన దుకాణాలు తెరుచుకోలేదు. మళ్లీ ఎటువంటి ఉద్రిక్త పరిస్థితులు తలెత్తకుండా పోలీసు పికెట్, పహారా కొన‌సాగుతోంది.
ఇదీ చదవండి: విశాఖలో మృతి చెందిన వారు విజయవాడ వాసులుగా గుర్తింపు
