ఇటు మైదాన.. అటు గిరిజన ప్రాంతాలకు ముఖ్య వ్యాపార కూడలిగా అభివృద్ధి చెందుతున్న విశాఖ జిల్లా నర్సీపట్నం తదితర మండలాల్లో కరోనా వైరస్ విజృంభిస్తోంది. ఈ నేపథ్యంలో నేటి నుంచి పాక్షిక లాక్డౌన్ ఏర్పాటు చేయాలని నర్సీపట్నం వర్తక సంఘం నిర్ణయించింది. ఈ మేరకు మంగళవారం సాయంత్రం మున్సిపల్ చైర్ పర్సన్ గుదిబండ ఆదిలక్ష్మి ఆధ్వర్యంలో ఏర్పాటైన వర్తక సంఘం ఈ నిర్ణయం తీసుకుంది.
దీనిలో భాగంగానే... ఉదయం 7 గంటల నుంచి మధ్యాహ్నం 2 గంటల వరకు మాత్రమే వ్యాపార, వాణిజ్య సంస్థలు తెరచి ఉంచేలా నిర్ణయించారు. ఈ నిబంధనలను వ్యాపార, వాణిజ్య సంస్థలు ఎవరు అతిక్రమించిన పట్టణ పోలీసులు చర్యలు తీసుకునేలా నిర్ణయం తీసుకున్నట్టు మున్సిపల్ చైర్ పర్సన్ ఆదిలక్ష్మి స్పష్టం చేశారు.
ఇదీ చదవండి
