జలాశయాల నుంచి కొనసాగుతున్న నీటి విడుదల

విశాఖ జిల్లాలో వర్షాలు తగ్గినా రైవాడ, పెద్దేరు, కోనాం జలాశయాల నుంచి దిగువ నదుల్లోకి నీటి విడుదల కొనసాగుతోంది. ఎగువ ప్రాంతాల నుంచి జలాశయాల్లోకి వరద నీరు పోటెత్తుతోంది. ఇప్పటికే పూర్తి స్థాయి నీటిమట్టాలకు చేరుకున్న కారణంగా.. అదనపు నీటిని విడుదల చేస్తున్నట్లు అధికారులు చెబుతున్నారు.

ప్రస్తుతం వర్షాలు తగ్గినా.. విశాఖ జిల్లా మాడుగుల నియోజకవర్గంలోని ప్రధాన జలాశయాలైన రైవాడ, పెద్దేరు, కోనాం నుంచి దిగువ నదుల్లోకి వరద నీటిని అధికారులు విడిచి పెడుతున్నారు. అన్ని జలాశయాల్లోకి ప్రస్తుతం ఎగువ నుంచి వరదనీరు వస్తోంది. ఇప్పటికే నీటిమట్టాలు పూర్తి స్థాయిలో ఉండటంతో అదనపు నీటిని విడుదల చేస్తున్నారు.

రైవాడ జలాశయం ఇన్ ఫ్లో 1402 క్యూసెక్కులు, ఔట్ ఫ్లో 1402 క్యూసెక్కులుగా ఉంది. పెద్దేరు జలాశయం ఇన్ ఫ్లో 1391 క్యూసెక్కులు , ఔట్ ఫ్లో 1296 క్యూసెక్కులుగా కొనసాగుతోంది. కోనాం జలాశయం ఇన్ ఫ్లో 750 క్యూసెక్కులు, ఔట్ ఫ్లో 750 క్యూసెక్కులుగా ఉందని అధికారులు తెలిపారు.

ఇవీ చదవండి: