విశాఖ ఎల్జీ పాలిమర్స్ గ్యాస్‌ లీకేజీ ఘటన తీవ్రమైన మానవహక్కుల ఉల్లంఘన కిందకి వస్తుందని జాతీయ మానవ హక్కుల సంఘం స్పష్టం చేసింది. బాధితుల జీవించే హక్కును ఆ ఘటన హరించి వేసిందని అభిప్రాయపడింది. ఈ ఘటనకు మానవ తప్పిదం, నిర్లక్ష్యమే ప్రధాన కారణమని ప్రాథమిక నివేదికలు లేకపోయినా అమాయకులు ప్రాణాలు కోల్పోయారని, వేల మంది అనారోగ్యం పాలయ్యారని తెలిపింది.
ప్రజల పాలిట పిడుగు..
కరోనా కారణంగా ఇళ్లలోనే ఉంటున్న సమయంలో చోటుచేసుకున్న ఈ భయంకరమైన విషాదం ప్రజల పాలిట ఆకాశం నుంచి ఊడిపడిన పిడుగులా మారిందని ఎన్హెచ్ఆర్సీ వ్యాఖ్యానించింది.
ఇకపై జోక్యం అవసరం లేదు..
రాష్ట్ర ప్రభుత్వం, డీజీపీ, కేంద్ర కార్పొరేట్‌ వ్యవహారాల డైరెక్టర్‌ జనరల్‌ నుంచి నివేదికలు తెప్పించుకుని పరిశీలించిన జాతీయ మానవ హక్కుల సంఘం ఇక మీదట ఈ వ్యవహారంలో తాము జోక్యం చేసుకోవాల్సిన అవసరం లేదని తేల్చి చెప్పింది. ఆ మేరకు ఒక ప్రకటన విడుదల చేసింది.
దానికి ఆమోదముద్ర వేశాం : ఎన్హెచ్ఆర్సీ
ప్రమాదంలో మరణించిన వారి కుటుంబాలకు పరిహారం అందించడం, బాధితులకు సాయం చేయడం, ప్రమాదానికి కారణమైన 12 మందిపై క్రిమినల్‌ కేసులు నమోదు చేసి విచారణ ప్రారంభించినట్లు రాష్ట్ర ప్రభుత్వం ఇచ్చిన నివేదికన పరిగణలోకి తీసుకుని ఆమోదముద్ర వేసినట్లు ఎన్హెచ్ఆర్సీ వెల్లడించింది.
ఇదీ చదవండి
