అమరావతిని జగన్ చంపేశారని.. హైదరాబాద్ను చంద్రబాబు అభివృద్ధి చేయబట్టే.. కేసీఆర్ కాలు మీద కాలు వేసి కూర్చున్నారని ఎమ్మెల్యే వాసుపల్లి గణేష్ కుమార్ అన్నారు. వైకాపా అధికారంలోకి వచ్చిన తర్వాత ఎన్నో కంపెనీలను తరిమేశారని దుయ్యబట్టారు.
విశాఖలోని తెదేపా కార్యాలయంలో 'సీఎం జగన్ విధ్వంసానికి ఒక్క ఛాన్స్' అనే పుస్తకాన్ని ఆవిష్కరించారు. రాష్ట్రంలో అన్ని కీలక పదవులు రెడ్డి సామాజిక వర్గానికి ఇచ్చారని.. పేర్ల చిట్టాను చూపించారు. బీసీ, ఎస్సీ, కాపు, మైనార్టీల నిధులను అమ్మ ఒడి పథకానికి మళ్లించారని ఆరోపించారు. ఈ కార్యక్రమంలో ఎమ్మెల్సీ దువ్వారపు రామారావుతో పాటు పలువురు తెదేపా నేతలు పాల్గొన్నారు.
ఇవీ చూడండి...
