పోలీసులకు సంఘీభావం.. దాహార్తి తీరుస్తున్న జనం

లాక్​డౌన్ అమలులో ఉంది.. బయటకు రావద్దంటూ పోలీసులు పహరా కాస్తూనే ఉన్నారు. ఎండను సైతం లెక్క చేయటం లేదు. వారి కష్టాలను చూసిన కొందరు ప్రజలు వారి దాహార్తి తీరుస్తున్నారు.

విశాఖ చోడవరంలో 144వ సెక్షన్​ అమలును స్నేహపూర్వకంగా పోలీసులు నిర్వహిస్తున్నారు. రోడ్లపైకి వస్తే.. వారికి కలిగే అనర్థాలను వివరిస్తున్నారు. తర్కించే వా‌రిని పోలీస్ స్టేషన్​కు తీసుకెళ్తున్నారు. ద్విచక్రవాహనంపై ఒకరు మాత్రమే పయనించే విధంగా ముందస్తు చర్యలు తీసుకుంటున్నారు. ఎండలో ఉంటూ రహైదారులపై పహారా చేస్తున్న పోలీసులకు స్థానికులు సంఘీభావం తెలుపుతున్నారు. సిబ్బందికి వాటర్ బాటిల్స్, బిస్కెట్లు, కూల్ డ్రింక్​లు అందజేస్తున్నారు.

ఇదీ చదవండి: కరోనాకి పేద, ధనిక తేడాల్లేవ్​.. ఎవరినీ వదలదు: మోదీ