accident : విశాఖపట్నం జిల్లా చింత‌ప‌ల్లి స‌మీపంలో పెంటపాడు వద్ద... గంజాయి అక్రమ ర‌వాణా చేస్తున్న కారు ప్రమాదానికి గురైంది. స్పెష‌ల్ ఎన్‌ఫోర్స్‌మెంట్ బ్యూరో అధికారులు సిబ్బంది నిర్వహించారు. ఆ సమయంలో వేగంగా వస్తున్న కారును ఆపేందుకు ప్ర‌య‌త్నించ‌గా, కారు అగకుండావెళ్లి పెంటపాడు వద్ద రోడ్డుప్ర‌మాదానికి గురైంది. ప్రమాదం జరిగిన వెంటనే కారులో ఉన్న ఇద్ద‌రు వ్య‌క్తులు పరారయ్యారు. సమాచారం అందుకున్న పోలీసులు... సంఘ‌ట‌న స్థ‌లానికి చేరుకున్నారు. కారును పరిశీలించగా 177 కిలోల గంజాయి లభ్యమైంది. ఈ ఘటనపై కేసు నమోదు చేసి, దర్యాప్తు చేస్తున్న‌ట్లు చింత‌ప‌ల్లి పోలీసులు తెలిపారు. ప్రమాదానికి గురైన కారు ముందు భాగంలో ప్రెస్ అని స్టిక్క‌ర్లు ఉండటం గ‌మ‌నార్హం.
ఇదీచదవండి.
