ప్రశ్న: లాక్డౌన్ వేళలో పిల్లలు ఇంట్లో ఎక్కువ సమయం గడుపుతున్నారు..ఈ సమయంలో చిన్నారులు ఇబ్బందులు ఎదుర్కొంటున్నారా?
హైమావతి: కొన్ని సందర్భాలలో వారు ఒత్తిడిగా ఫీలవుతున్నారు. అలాంటి సమయంలో వారితో కొంచెం లాలనగా మాట్లాడటం, కొత్త అభిరుచులను పరిచయం చేస్తే సంతోషంగా ఉంటారు..వాళ్లు భవిష్యత్తులో ఎలాంటి ఒత్తిడిలో ఉన్నా..అమ్మ నేర్పించిన కొత్త అభిరుచులపై మనసు వెళుతుంది. ఇదో ఎంతో మానసికంగా సంతృప్తినిస్తుంది.
ప్రశ్న: లాక్డౌన్ నేపథ్యంలో పిల్లల తల్లిదండ్రులు బయటికి వెళ్లి..ఇంట్లోకి వచ్చినపుడు ఎలాంటి జాగ్రత్తలు తీసుకోవాలి..? దీనిపై బాలలహక్కుల సంఘం పిల్లలకు, తల్లిదండ్రులకు ఎలాంటి అవగాహన కల్పించింది. ?
హైమావతి: యూనిసెఫ్ ద్వారా చైల్డ్ ఫ్రెండ్లీగా నివేదికను తయారు చేశారు. కరోనా ఎలా వస్తుందో తెలిపే కామిక్ చిత్రాలతో పొందుపరిచారు. ఎలా కట్టడి చేయాలో బొమ్మల ద్వారా తెలిపారు.
ప్రశ్న: చంటిపాపలతో, చిన్నపిల్లలతో, సరిగా నడవలేని చిన్నారులతో వలస కూలీలు మండుటెండలో కాలినడకన సొంత రాష్ట్రాలకు తరలివెళుతుంటే..కమిషన్ ఎలాంటి పాత్ర పోషిస్తుంది.?
హైమావతి: వలస కూలీలతో చిన్నపిల్లలు ఉంటే..వారికి జిల్లా యంత్రాంగం ఆధ్వర్యంలో పరీక్షలు చేసి...ఆహారం, దుస్తులను అందిస్తున్నాము. వారి గ్రామాలకు వెళ్లడానికి వాహన సౌకర్యం కల్పిస్తున్నాము. అనారోగ్యంగా ఉన్న చిన్నారులకు వైద్యం అందిస్తున్నాము.
ప్రశ్న: విద్యాబోధన విధానంలో చాలా మార్పులు రాబోతున్నాయి.. లాక్డౌన్ సడలింపులో భాగంగా ప్రభుత్వ పాఠశాలలో డిజిటల్ విద్య వస్తున్న తరుణంలో.. కమిషన్ ఏవిధంగా విద్యార్థులకు సూచనలిస్తుంది?
హైమావతి: ప్రతి ప్రభుత్వ పాఠశాలలో భౌతికదూరం, శానిటైజర్తో చేతులను శుభ్రం చేసుకోవడం వంటివి కచ్చితంగా పాటించేలా చర్యలు చేపడుతాం..వాటిని పట్టించుకోని పాఠశాలలో అధికారులపై కఠిన చర్యలను తీసుకుంటాం.
ప్రశ్న: కరోనా తదనాంతరం బాలల ప్రాంతాలను పునరుద్ధరించినపుడు యూనిసెఫ్ ఎలాంటి జాగ్రత్తలను సూచించింది...?
హైమావతి: కరోనా వల్ల వలసలు ఎక్కువయ్యాయి. వలస కూలీల చిన్నపిల్లలందరూ వాళ్ల ఇళ్లకు చేరుకున్నారు. ఇప్పుడు ఎంతమంది పాఠశాలకు వెళ్లే చిన్నారులు, వెళ్లనివారి సంఖ్య తెలుస్తుంది. ఆర్థికంగా చితికిపోయిన కుటుంబాలలోని తల్లింతండ్రులు పిల్లలను పనిలో ఉంచుతారు. పాఠశాలలు ప్రారంభం కావడానికి రెండునెలల సమయం ఉంది కాబట్టి..వీటిపై నివేదిక తయారు చేస్తున్నాం. చిన్నారులను బడికి పంపేలా తల్లిదండ్రులతో మాట్లాడి అవగాహన కల్పించేలా చర్యలు చేపట్టాం.
