బాలల దినోత్సవాన్ని పురస్కరించుకొని విశాఖ జిల్లా పీఆర్టీయూ ఉపాధ్యాయ సంఘం ఆధ్వర్యంలో... నర్సీపట్నంలో జూమ్ యాప్ ద్వారా విద్యార్థులకు చిత్రలేఖనం పోటీలు నిర్వహించారు. రోలుగుంట మండలం బుచ్చింపేట జిల్లా పరిషత్ ఉన్నత పాఠశాలకు చెందిన త్రినాద్ అనే విద్యార్థి... తల్లి ప్రేమను మించింది లేదంటూ గీసిన చిత్రం పలువురిని ఆకర్షించింది. భీమిలి ఏపీ రెసిడెన్షియల్ పాఠశాల విద్యార్థిని శ్రీలక్ష్మి... కరోనా వ్యాధి నివారణకు కృషి చేస్తున్న పోలీసు, డాక్టర్ల తీరుపై గీసిన చిత్రం మరింతగా ఆకట్టుకుంది.
నర్సీపట్నంలోని నారాయణ స్కూల్ చెందిన మేఘన ప్రియ, వినోద్ అనే విద్యార్థులు గీసిన చిత్రాలు ఆకట్టుకున్నాయి. నర్సీపట్నం జడ్పీ హైస్కూల్కి చెందిన మోక్షిత,సాయి సృజన అనే విద్యార్థినులు గీసిన... దేశానికి పట్టుకొమ్మలు పల్లెలు, జాతీయ పతాకంపై నెమలి చిత్రాలను చూపరులను ఆకర్షించాయి. ఈ పోటీల్లో గెలుపొందిన విజేతలకు త్వరలోనే బహుమతులను అందజేస్తామని పీఆర్టీయూ జిల్లా అధ్యక్షులు గోపీనాథ్ ప్రకటించారు.
ఇదీ చదవండి:
బాల్యం స్వభావాన్ని కరోనా మార్చేసింది... ఆ జ్ఞాపకాలు లేకుండా చేసింది!
