ఒడిశాకు చెందిన గాయత్రి సోదరుడితో కలిసి విశాఖలో ఉంటోంది. అనుకోకుండా జరిగిన ప్రమాదంతో ఆమె తలకు బలమైన గాయమైంది. వైద్యం కోసం సోదరుడు, స్నేహితురాలితో కలిసి కేజీహెచ్కు వెళ్లింది. అక్కడు స్కాన్ చేసే పరికరాలు పనిచేయడంలేదని.. బయట ల్యాబులో పరీక్ష చేయించుకుని రిపోర్టులు తీసుకువస్తే వైద్యం చేస్తామని వైద్యులు చెప్పారు. అయితే డబ్బుల్లేని పరిస్థితుల్లో ఏం చేయాలో పాలుపోక ఆసుపత్రి బయట చెట్టుకింద కూర్చున్నారు.
ఆ సమయంలో అన్నార్తులకు ఆహారం అందజేస్తున్న దాతలు బాలికను చూశారు. ఆమె వద్దకు వచ్చి విషయం తెలుసుకుని సహాయం చేశారు. లలిత్ గాడ్ అనే దాత ఆమెను ల్యాబ్కు తీసుకెళ్లి సొంత ఖర్చుతో పరీక్షలు చేయించారు. రిపోర్టులు తీసుకుని స్వయంగా కేజీహెచ్లో చేర్పించారు. అనంతరం ఆయన మాట్లాడుతూ.. లాక్ డౌన్ కారణంగా వైద్య సేవల విషయంలో చిన్న,మధ్య తరగతి కుటుంబాలు ఇబ్బందులు పడుతున్నారని.. దాతలు ముందుకొచ్చి అలాంటి వారిని ఆదుకోవాలని ప్రధాని చెప్పిన మాటల స్ఫూర్తితో బాలికకు సహాయం చేశానని చెప్పారు.
ఇవీ చదవండి.. వంద కిలోమీటర్లు వెళ్లి రక్తదానం చేసిన యువకుడు
