కానిస్టేబుల్ భార్య అనుమానాస్పద మృతి

విశాఖ జిల్లా అనకాపల్లి పోలీస్ స్టేషన్​లో పనిచేస్తున్న కానిస్టేబుల్​ భార్య అనుమానాస్పద స్థితిలో మరణించింది. భర్త వేధింపుల వలనే ఆమె చనిపోయిందంటూ.. మృతురాలి తల్లిదండ్రులు ఆరోపించారు.

విశాఖ జిల్లా నర్సీపట్నం శారదా నగర్​లో కానిస్టేబుల్ భార్య అనుమానాస్పదంగా మృతిచెందింది. ఆమె బయటకు రాకపోయేసరికి అనుమానం వచ్చిన స్థానికులు పరిశీలించగా.. చనిపోయి కనిపించింది. అనకాపల్లి పోలీస్ స్టేషన్​లో కానిస్టేబుల్​గా పనిచేస్తున్న తవిటి నాయుడుకు గత ఫిబ్రవరిలో చతురతో వివాహమైంది. అతనికి ఇది రెండో పెళ్లి. పెళ్లైనప్పటినుంచి తమ కుమార్తెను భర్త వేధిస్తున్నాడంటూ మృతురాలి తల్లిదండ్రులు ఆరోపించారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చదవండి.. అప్పు తీర్చలేదని.. చంపేశారు..!