గోరాపూర్ వద్ద ఎస్ఈబీ అధికారులు తనిఖీలు నిర్వహిస్తుండగా గంజాయిని తరలిస్తున్న వ్యాన్ పట్టుబడింది. ఒడిశా నుంచి విశాఖకి వెళ్తున్నా వ్యాన్ ఆపకుండా ముందుకు వెళ్లింది. వ్యాన్ను వెంబడించి వెళ్లగా కొంత దూరంలో వాహనాన్ని ఆపేసి.. డ్రైవర్ పరారయ్యాడు. వెనక భాగంలో తనిఖీ చేయగా రహస్య అరలో 116 గంజాయి ప్యాకెట్లు లభించినట్లు అధికారులు తెలిపారు. ఒక్కో ప్యాకెట్లో ఐదు కిలోల చొప్పున గంజాయి ఉందన్నారు. మొత్తం 580 కిలోల గంజాయి లభించినట్లు అధికారులు చెప్పారు. వాహనం గుజరాత్కు చెందినదని వెల్లడించారు.
ఇదీ చదవండి: 'ప్రస్తుత పరిస్థితి చేయిదాటిపోతే తట్టుకునే శక్తి దేశానికి లేదు'
