పెద్దబొడ్డేపల్లిలో 100 పడకలతో కోవిడ్ సెంటర్

రోజు రోజుకూ కరోనా పాజిటివ్ కేసులు ఎక్కువవుతున్నాయి. బాధితులు ఆస్పత్రుల్లో పడకల కోసం అనేక ఇబ్బందులు ఎదుర్కొంటున్నారు. ఈ క్రమంలో విశాఖ జిల్లా నర్సీపట్నంలోని పెద్దబొడ్డేపల్లిలో కరోనా రోగుల కోసం కొవిడ్ కేంద్రాన్ని ఏర్పాటు చేయనున్నారు. మరో రెండు రోజుల్లో ఈ కేంద్రం రోగులకు అందుబాటులో రానుందని ఎమ్మెల్యే పెట్ల ఉమాశంకర్ గణేష్ తెలిపారు.

విశాఖ జిల్లా నర్సీపట్నంలో కరోనా కేసులు పెరిగిపోతున్నాయి. మున్సిపాలిటీ పరిధిలోని పెద్ద బొడ్డేపల్లిలోని ఆశ్రమ పాఠశాలలో కొవిడ్ కేంద్రాన్ని 100 పడకలతో ఏర్పాటు చేయనున్నారు. స్థానిక ఎమ్మెల్యే పెట్ల ఉమాశంకర్ గణేష్, పలువురు అధికారులు ఈ కేంద్రాన్ని పరిశీలించారు.

మరో రెండు రోజుల్లో ఈ కేంద్రం అందుబాటులోకి రానుందని ఎమ్మెల్యే తెలిపారు. కరోనా రోగులకు మెరుగైన వైద్యంతో పాటు.. భోజనం అందిస్తామని అన్నారు. ఈ కేంద్రంలో 10 మంది వైద్యులతో పాటు 20 మంది ఇతర వైద్య సిబ్బందిని నియమిస్తున్నట్లు పేర్కొన్నారు. ఎమ్మెల్యేతో పాటు మున్సిపల్ కమిషనర్ కనకారావు హాజరయ్యారు.

ఇదీ చదవండి: