తాళ్లపాలెం వద్ద డివైడర్​ను ఢీకొన్న బైక్​.. వృద్ధుడు మృతి

ద్విచక్రవాహనం అదుపుతప్పి డివైడర్​ను ఢీకొన్న ఘటనలో ఓ వృద్ధుడు మృతి చెందిన ఘటన విశాఖ జిల్లా తాళ్లపాలెం వద్ద జరిగింది. తన మనవడితో కలిసి బైక్​పై వెళ్తుండగా ఈ ప్రమాదం జరగ్గా.. మనవడికి గాయాలయ్యాయి. దీనిపై పోలీసులు కేసు నమోదు చేసి దర్యాప్తు చేస్తున్నారు.

విశాఖ జిల్లా కశింకోట మండలం తాళ్లపాలెం జాతీయ రహదారి వద్ద జరిగిన రోడ్డు ప్రమాదంలో ఓ వృద్ధుడు మృతి చెందాడు. బుచ్చయ్యపేట మండలం పెదపూడి గ్రామానికి చెందిన గోకివాడ అప్పలనాయుడు తన మనవడి రమణతో కలిసి ద్విచక్రవాహనంపై వెళ్తుండగా.. తాళ్లపాలెం వద్ద అదుపుతప్పి డివైడర్​ను ఢీకొట్టారు. ఈ ప్రమాదంలో అప్పలనాయుడు మృతి చెందగా.. రమణకు గాయాలయ్యాయి. బాధితుణ్ని ఆస్పత్రికి తరలించి చికిత్స అందిస్తున్నారు. దీనిపై కశింకోట పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి..