Dispute Between Tollgate staff And Students: తమిళనాడుకు చెందిన సుమారు 70 మంది విద్యార్థులు తిరుపతిలోని లా కళాశాలలో పరీక్షలు రాస్తున్నారు. ఈ నేపథ్యంలో శనివారం పరీక్షలు రాసిన ఓ విద్యార్థి వడమల పేట టోల్గేట్ వద్దకు చేరుకున్నాడు. టోల్ ఛార్జీలు చెల్లించకుండానే తనను పంపాలని అతను సిబ్బందితో అన్నాడు. కుదరదని సిబ్బంది చెప్పడంతో వాగ్వాదానికి దిగాడు. ఈ నేపథ్యంలో మాట మాట పెరిగి లా విద్యార్థి, సిబ్బంది దాడి చేసుకున్నారు.
దీంతో వెనుక వస్తున్న విద్యార్థులందరూ అక్కడకు చేరుకున్న తర్వాత.. టోల్గేట్ వద్ద తమను ఉచితంగా పంపాలని ఘర్షణకు దిగారు. అలా కుదరదని సిబ్బంది తెలిపారు. ఈ నేపథ్యంలో సిబ్బంది, విద్యార్థుల మధ్య మాట పెరిగింది. దీంతో సిబ్బంది విద్యార్థులకు చెందిన నాలుగు కార్లపై దాడి చేశారు. ఈ ఘర్షణతో తిరుపతి చెన్నై జాతీయ రహదారిపై ట్రాఫిక్కు అంతరాయం ఏర్పడింది. వడమాల పేట ఎస్సై రామాంజనేయులు సంఘటన స్థలానికి చేరుకొని సంఘటన జరిగిన వివరాల పై ఆరా తీశారు. అనంతరం ఇరు వర్గాలకు నచ్చచెప్పటంతో వివాదం సద్దుమణిగింది.
ఇవీ చదవండి:
