పలాసపురంలో ఎమ్మెల్యే అశోక్​పై వైకాపా నేతల దౌర్జన్యం

శ్రీకాకుళం జిల్లా పలాసపురంలో తెదేపా ఎమ్మెల్యే అశోక్​పై వైకాపా నేతలు దౌర్జన్యానికి పాల్పడ్డారు. వైకాపా కార్యకర్తల తీరుపై పోలీసులకు ఎమ్మెల్యే అశోక్​ ఫిర్యాదు చేశారు.

శ్రీకాకుళం జిల్లా సోంపేట మండలం పలాసపురంలో తెదేపా ఎమ్మెల్యే అశోక్‌పై వైకాపా నేతలు దౌర్జన్యానికి దిగారు. అంగన్వాడీ భవనం ప్రారంభోత్సవానికి వచ్చిన ఎమ్మెల్యేను వైకాపా నేతలు అడ్డుకున్నారు. తెదేపా, వైకాపా వర్గాల మధ్య ఘర్షణ జరిగింది. ఇరువర్గాల ఘర్షణతో పలాసపురంలో ఉద్రిక్త పరిస్థితులు నెలకొన్నాయి. ఘటనపై సోంపేట పోలీస్​స్టేషన్​లో ఎమ్మెల్యే అశోక్ ఫిర్యాదు చేశారు.