"మా గ్రామానికి ఎవరూ రాకూడదు. ఎవరైనా వస్తే అడ్డుకుంటాం" అని శ్రీకాకుళం జిల్లా ఇచ్ఛాపురం మండలం తేలుకుంచి గ్రామస్తులు స్పష్టం చేస్తున్నరు. బయటి వారిని తమ ప్రాంతానికి రానివ్వకుండా.. గ్రామస్తులే 2 షిఫ్టుల్లో గస్తీ కాస్తున్నారు. ఇతరులు లోనికి ప్రవేశించకుండా గ్రామ శివార్లలో ప్రవేశాన్ని నిషేధించారు. ఇతర గ్రామాల వారు తన గ్రామంలోకి చొరబడకుండా రహదారులు ముసివేశారు.
గ్రామంలోని మూడు రహదారులను మూసివేసి... రోజుకు రెండు షిఫ్టుల్లో గస్తీ కాస్తున్నారు. ఉదయం 6 గంటల నుంచి మధ్యాహ్నం ఒంటి గంట వరకు... అలాగే మధ్యాహ్నం ఒంటి గంట నుంచి రాత్రి 9 గంటల వరకు విభజించుకొని వారి గ్రామంలోకి ఎవరూ రాకుండా చూస్తున్నారు. గస్తీ విధులకు గ్రామంలో ప్రతి ఇంటి నుంచి ఒకరు హాజరయ్యే విధంగా జాబ్ కార్డులను జారీ చేసుకున్నారు. అత్యవసరమైతే తప్ప గ్రామాన్ని దాటి ఎవరు వెళ్లకూడదని నిర్ణయించుకున్నారు.
లాక్ డౌన్ అమలులో భాగంగా.. ఇలాంటి చర్యలతో ఈ గ్రామస్తులు అందరి దృష్టినీ ఆకర్షిస్తున్నారు. కరోనా బారిన పడకుండా ఉండాలంటే ఇలాంటి జాగ్రత్తలు తప్పనిసరి అని వారు స్పష్టం చేస్తున్నారు.
ఇదీ చదవండి:
