ప్రశాంతంగా పంచాయతీ కార్యదర్శి నియామక పరీక్ష

శ్రీకాకుళం జిల్లా వ్యాప్తంగా.. పంచాయతీ కార్యదర్శుల ఉద్యోగాల నియామక పరీక్ష ప్రశాంతంగా జరిగింది.

శ్రీకాకుళం జిల్లా వ్యాప్తంగా 138 కేంద్రాల్లో 37 వేల 203 మంది అభ్యర్థులు పంచాయతీ కార్యదర్శుల నియామక పరీక్షకు హాజరయ్యారు. పరీక్ష కేంద్రాల వద్ద బందోబస్తును ఏర్పాటు చేసి.. 144 సెక్షన్ విధించారు. నరసన్నపేట నియోజకవర్గంలో 13 కేంద్రాలు ఏర్పాటు చేశారు. 4 వేల 704 మంది అభ్యర్థులు పరీక్షకు హాజరయ్యారు. ఎచ్చెర్ల నియోజకవర్గంలోని 4 మండలాల్లో 1700 మంది దరఖాస్తు చేసుకోగా.. 40 శాతం మంది అభ్యర్థులే పరీక్షకు హాజరయ్యారని అధికారులు తెలిపారు. లావేరు, బెజ్జిపురం పరీక్ష కేంద్రాలను సాంఘిక సంక్షేమ శాఖ డీడీ ఆదిత్య లక్ష్మి తనిఖీ చేశారు. ఆముదాలవలస నియోజకవర్గ పరిధిలోని 13 కేంద్రాల్లో 3 వేల 168 మంది అభ్యర్థులు పరీక్ష రాశారని తహశీల్దార్ కేవీవీ శివ చెప్పారు. ఎండ వేడితో ఇబ్బంది పడే వారికి వైద్య సదుపాయం ఏర్పాటు చేశారు.

ఇది కూడా చదవండి.