కరోనా మహమ్మరి దేశంలో వ్యాప్తి చెందడంతో కేంద్రం లాక్ డౌన్ విధించిన కారణంగా.. గుజరాత్ రాష్ట్రంలోని వేరావలిలో చిక్కుకున్న మత్స్యకారులను ప్రభుత్వం శ్రీకాకుళం జిల్లాకు తీసుకొచ్చిన విషయం తెలిసిందే. ఎచ్చెర్ల నియోజకవర్గం లావేరు మండలం తామాడ ఆదర్శ పాఠశాలలో ఏర్పాటు చేసిన పునరావాస కేంద్రంలో 222 మంది మత్స్యకారులను క్వారంటైన్ చేసింది.
ఎచ్చెర్ల నియోజకవర్గం ఎమ్మెల్యే గొర్లె కిరణ్ కుమార్.. వారిని పరామర్శించారు. ముఖ్యమంత్రి జగన్మోహన్ రెడ్డి మత్స్యకారులకు, రైతులకు, యువతకు ప్రాధాన్యత ఇస్తున్నారని ఎమ్మెల్యే తెలిపారు. ఆర్థిక సహాయం కింద ఒక్కొక్కరికి రూ.2 వేల చొప్పున అందిస్తున్నామని చెప్పారు. ఎవరూ ఆందోళన చెందవద్దని కోరారు.
ఇదీ చూడండి:
