అనుమానం ఒక నిండు ప్రాణాన్ని బలితీసుకుంది. నసీం అహ్మద్ (45), ముసిం ఖాన్ అనే వ్యక్తులు కుటుంబాలతో పొట్టకూటి కోసం నెల రోజుల కిందట ఉత్తరప్రదేశ్ నుంచి శ్రీకాకుళం జిల్లాకు వలస వచ్చారు. కుశాలపురం పంచాయతీ పరిధిలోని వెంకటాపురంలో నివాసం ఉంటున్నారు. తన భార్యతో వివాహేతర సంబంధాన్ని నసీం అహ్మద్ నెరపుతున్నాడని ముసిం ఖాన్ అనుమానం పెంచుకున్నాడు.
ఈ క్రమంలో శుక్రవారం రాత్రి ఒంటిగంట సమయంలో నసీం, ముసిం ఖాన్లు గొడవ పడ్డారు. కోపంతో నసీమ్ను, ముసిం ఖాన్ ఇనుప రాడ్డులాంటి ఆయుధంతో తలపై కొట్టి హత్య చేశాడు. సమాచారం తెలుసుకున్న ఎచ్చెర్ల పోలీసులు సంఘటన స్థలానికి చేరుకుని దర్యాప్తు ప్రారంభించారు. మృతుడి తమ్ముడు హతిక్ ఫిర్యాదుతో ఎస్ఐ కె.రాము కేసు నమోదు చేశారు.
ఇదీ చదవండి:
FISHERMEN : సముద్ర తీరంలో గల్లంతైన జాలర్ల మృతదేహాలు వెలికితీత
