'మెట్​కోర్​ ఫెర్రో ఎల్లాయిస్​ పరిశ్రమను తెరిపించండి'

టెక్కలి సమీపంలో ఉన్న ఫెర్రో ఎల్లాయిస్​ పరిశ్రమను తెరిపించాలంటూ ఆ సంస్థ కార్మికులు జనసేన పార్టీ ప్రధాన కార్యదర్శిని కలిసి వినతిపత్రం సమర్పించారు. ఈ పరిశ్రమపై ఎన్నో బతుకులు ఆధారపడి ఉన్నాయని వారు చెప్పారు.

శ్రీకాకుళం జిల్లా టెక్కలి సమీపంలో మూతపడిన మెట్​కోర్ ఫెర్రో ఎల్లాయిస్​ పరిశ్రమను తెరిపించాలని జనసేన పార్టీ ప్రధాన కార్యదర్శి తమ్మిరెడ్డి శివశంకర్​ను కార్మికులు కోరారు. ​కార్మికులంతా విశాఖలో ఆయన్ను కలిసి వినతిపత్రం సమర్పించారు. గత ఐదేళ్లుగా పరిశ్రమ లాక్​ఔట్​ ప్రకటించి నేటి వరకూ తెరవకుండా కార్మికుల పొట్ట కొట్టిందని శివశంకర్​ వద్ద వాపోయారు.

ఈ పరిశ్రమపై ఆధారపడి జీవిస్తున్న 500 కుటుంబాల బతుకులు ప్రశ్నార్థకంగా మారాయన్నారు. ఈ విషయంపై జనసేన అధినేత పవన్​ కల్యాణ్​ చొరవ చూపాలని కార్మికులు కోరారు. వీరి వెంట జనసేన టెక్కలి నియోజకవర్గ ఇంఛార్జ్​ కణితి కిరణ్​ ఉన్నారు.

ఇదీ చదవండి: