రోడ్డు ప్రమాదంలో ఓ వ్యక్తి మృతి
శ్రీకాకుళం జిల్లా నరసన్నపేట సమీపంలోని జమ్ముకూడలి వద్ద రోడ్డు ప్రమాదం జరిగింది. ఈ ప్రమాదంలో నరసన్నపేట మండలం రావాడ పేట గ్రామానికి చెందిన రావాడ వెంకట రమణ అనే వ్యక్తి అక్కడికక్కడే మృతి చెందాడు. వెంకటరమణ ద్విచక్రవాహనంపై వెళుతుండగా జమ్ము కూడలి వద్ద రోడ్డు పనులు చేస్తున్న రోడ్డు రోలర్ను ఢీకొని అక్కడికక్కడే ప్రాణాలు వదిలాడు. వెంకటరమణ భార్య లక్ష్మీ గత ఏడాది అనారోగ్యంతో మృతి చెందింది. భార్య మృతికి ప్రభుత్వం శనివారం వైయస్సార్ బీమా పథకం ద్వారా రెండు లక్షలు మంజూరు చేసింది. ఈ చెక్కును అందుకున్న మరుసటి రోజే ప్రమాదంలో అతనూ మృతి చెందడంతో ఆ ఇంట్లో విషాదం నెలకొంది.
ఇవీ చదవండి....రైలు కింద పడి గుర్తు తెలియని వ్యక్తి మృతి
