'న్యాయానికి-అన్యాయానికి మధ్యే ఎన్నికలు'..

ప్రకాశం జిల్లా రెండో రోజు పర్యటనలో భాగంగా.. వైఎస్ విజయమ్మ యర్రగొండపాలెంలో పర్యటించి వైకాపా అభ్యర్థుల తరపున ప్రచారం నిర్వహించారు.

రాష్ట్రంలో సార్వత్రిక ఎన్నికలు న్యాయానికి, అన్యాయానికి మధ్య జరుగుతున్నాయని వైకాపా గౌరవాధ్యక్షురాలు వై ఎస్.విజయమ్మ అన్నారు. ప్రకాశం జిల్లా రెండు రోజుల పర్యటనలో భాగంగా.. రెండో రోజు యర్రగొండపాలెం పట్టణంలో వైకాపా అభ్యర్థులైన ఒంగోలు ఎంపీ అభ్యర్థి మాగుంట శ్రీనివాసుల రెడ్డి, యర్రగొండపాలెం ఎమ్మెల్యే అభ్యర్థి అదిమూలపు సురేష్ తరపున ప్రచారం నిర్వహించారు.

ప్రజలకిచ్చిన మాట కోసం వైఎస్ఆర్ ఆశయాలతో జగన్ వైకాపాను స్థాపించారని విజయమ్మ అన్నారు.తండ్రి మరణం తరువాత జగన్ఎక్కువ రోజులు ప్రజల మధ్యనే ఉన్నారన్నారు. ప్రస్తుతప్రభుత్వ హయాంలో అన్యాయాలు, అబద్దాలు పెరిగిపోయాయని ఆవేదన వ్యక్తం చేశారు. మళ్ళీ రాజన్న రాజ్యం కావాలంటే... ఈఎన్నికల్లో ఫ్యాన్ గుర్తుకు ఓటు వేసి జగన్ ను ముఖ్యమంత్రి చేయాలన్నారు. గత ఎన్నికల సమయంలో చంద్రబాబు ఇచ్చిన హామీలన్నీ నెరవేర్చకుండా... ప్రజల్ని మోసం చేశారని విమర్శించారు. వైకాపా అధికారంలోకి వస్తే అగ్రిగోల్డ్ బాధితులకు న్యాయం జరుగుతుందని...అదేవిధంగా వెలుగొండ ప్రాజెక్టు పూర్తి చేస్తామన్నారు. జగన్... మోదీ,కేసీఆర్​తోకలిసి పని చేయడం లేదని స్పష్టం చేశారు.

ఇవి చూడండి..