నీళ్లకోసం ఖాళీ బిందెలతో మహిళల ధర్నా

పంచాయతి నీళ్లు రావడంలేదని మహిళలు ఖాళీ బిందెలెతో రోడ్డెక్కారు. నీళ్లు వచ్చే వరకు కదిలేది లేదని భీష్మించి కుర్చున్నారు. ఈ ఘటన ప్రకాశం జిల్లా యర్రగొండపాలెంలో చోటుచేసుకుంది.

గత 3నెలలుగా పంచాయతి నీళ్లు రావడం లేదంటూ... ప్రకాశం జిల్లా యర్రగొండపాలెం పట్టణంలోని వినుకొండ గ్రామం మహిళలు ఆందోళనకు దిగారు. ట్యాంకర్ల ద్వారా నీటిని సరఫరా చేసేవారని ఇప్పుడు పూర్తిగా రావడం లేదని అన్నారు. సాగర్​పైప్​లైన్​ నుంచి నీరు వస్తున్నప్పటికీ అవి మురికిగా ఉన్నాయని తెలిపారు. విసుగు చెందిన మహిళలు రహదారిపై ఆందోళన చేపట్టారు. రాకపోకలకు ఆగిపోయేసరికి పోలీసులు రంగంలోకి దిగి పంచాయతి, ఆర్​డబ్ల్యూఎస్​ అధికారులతో చరవాణీలో మాట్లాడారు. నీరు సరఫరాకు హామీ ఇచ్చి మహిళలతో ధర్నా విరమింపజేశారు.

ఇదీ చూడండి

ఆకట్టుకుంటున్న లంబోదరుడి విగ్రహాలు!