వెలిగొండ ప్రాజెక్ట్ ముంపు గ్రామాల్లోని వారు పునరావాసం కావాలని కోరుకునే వారికి కాలనీలో అన్ని మౌలిక వసతులు కల్పించనున్నారు. ఈ విభాగంలో అయిదు సెంట్ల స్థలం, అందులో ఇల్లు నిర్మించి ఇవ్వనున్నారు. దాంతో పాటు ఆర్‌అండ్‌ఆర్‌ కింద రూ. 6.36 లక్షలు (ఎస్సీలకు రూ.50 వేలు, ఎస్టీలకు రూ.75వేలు అదనం) ఇచ్చేందుకు ప్రభుత్వం జీవో విడుదల చేసింది. వన్‌ టైం సెటిల్మెంట్‌ కావాలనే వారికి ఒకేసారి రూ.12.50 లక్షల చొప్పున ఇవ్వనున్నట్లు ప్రకటించారు.
ముంపు గ్రామాలివే...
పెద్దారవీడు మండలంలోని సుంకేసుల, కలనూతల, గుండంచర్ల, కాటమరాజుతండా, చింతలముడిపి; మార్కాపురం మండలంలోని గొట్టిపడియ, అక్కచెరువుతండా, అర్థవీడు మండలంలోని కృష్ణానగర్‌, సాయినగర్‌, రామలింగేశ్వరపురం, లక్ష్మీపురం గ్రామాలు ముంపునకు గురికానున్నాయి. ఈ గ్రామాల పరిధిలో 2006లో చేపట్టిన సామాజిక ఆర్థిక సర్వే ప్రకారం మొత్తం 4,565 కుటుంబాలను నిర్వాసితుల జాబితాలో చేర్చారు.
ఇటీవల ప్రాజెక్టుపై జరిగిన సమీక్ష అనంతరం రాష్ట్ర విద్యాశాఖ మంత్రి ఆదిమూలపు సురేశ్ ఆ విషయాన్ని వెల్లడించారు. 2019 అక్టోబరు నాటికి 18 ఏళ్లు నిండిన యువతీ, యువకులకు ఆర్‌అండ్‌ఆర్‌ ప్యాకేజీ వర్తింపజేస్తున్నట్లు ప్రకటించారు. 2019 సర్వే ప్రకారం 18 ఏళ్లు నిండిన యువతీ యువకులు 2,990 మందిని ఆర్‌అండ్‌ఆర్‌లో అర్హులుగా చేర్చారు. నాటి సర్వే సమయంలో వలస వెళ్లి ప్యాకేజీ జాబితాలో పేర్లు లేని వారిని చేర్చేందుకు ప్రస్తుతం ఆయా గ్రామాల్లో అధికారులు సర్వే నిర్వహిస్తున్నారు.
రెండింటిలో ఏదో ఒకటి...
గత నెల రోజులుగా ముంపు గ్రామాల నిర్వాసితులతో ఒప్పంద పత్రాలపై సంతకాల సేకరణ జరుగుతోంది. 7,555 మంది నిర్వాసిత కుటుంబాల్లో పునరావాసం, వన్‌ టైం సెటిల్మెంట్‌ కావాల్సిన వారు సంతకాలు చేశారు. అధికారుల లెక్కల ప్రకారం సుమారు 3,100 మంది పునరావాసం, మిగిలినవారు వన్‌టైం సెటిల్మెంట్‌ కావాలని సంతకాలు చేశారు. దీంతో అధికారులు 3,100 మందికి ఇళ్లు నిర్మించేందుకు టెండర్లు పిలిచే యోచనలో ఉన్నారు.
3,100 ఇళ్ల నిర్మాణం...
