స్వచ్ఛంద సంస్థ పెద్ద మనసు...వానరానికి అంత్యక్రియలు

అనాథ శవం కనబడితే అత్యక్రియలకు సాయం చేయకుండా...మనకెందుకులే అని వెళ్లిపోయే రోజుల్లో...ఓ స్వచ్ఛంద సంస్థ మూగజీవికి అంత్యక్రియలు చేసి పెద్ద మనసు చాటుకుంది. ప్రకాశం జిల్లా కొమరోలులో విద్యుదాఘాతంతో మృతి చెందిన వానరానికి 'మన' స్వచ్ఛంద సంస్థ అంతిమ సంస్కారాలు నిర్వహించింది.

ప్రకాశం జిల్లా కొమరోలు పట్టణంలో ఓ వానరం విద్యుత్ షాక్​కు గురైంది. ఆ మూగజీవిని బతికించడానికి స్థానికులు ఎన్ని ప్రయత్నాలు చేసినా ఫలించలేదు. దీనితో వానరం మృతి చెందింది. విషయం తెలుసుకున్న 'మన స్వచ్ఛంద సంస్థ' ప్రతినిధులు స్థానిక ఆటోడ్రైవర్ల సహకారంతో.. కోతికి అంతిమ సంస్కారాలు నిర్వహించాలని నిర్ణయించుకున్నారు. ఆ వానరానికి పూలమాలలు వేసి ఉరేగింపుగా స్థానిక స్మశాన వాటికకు తెసుకెళ్లి అంత్యక్రియలు పూర్తి చేశారు.

ఇదీచదవండి

ఎక్కడ పడితే అక్కడ ఉమ్మేస్తావా.. గుంజీలు తీయ్!