ప్రకాశం జిల్లా యర్రగొండపాలెంలో నియోజకవర్గ పాస్టర్స్ ఆధ్వర్యంలో సెమి క్రిస్మస్ వేడుకలు నిర్వహించారు. ఈ కార్యక్రమానికి మంత్రులు తానేటి వనిత, ఆదిమూలపు సురేష్ పాల్గొన్నారు. ఈ వేడుకల్లో చిన్నారుల నృత్యాలు, శాంటాక్లాజ్ అలరించాయి. మంత్రులు క్రిస్మస్ స్టార్‌ను ఆవిష్కరించి... ఆకాశ దీపాలు వెలిగించారు. అనంతరం కేక్ కట్ చేసి క్రిస్మస్ శుభాకాంక్షలు తెలిపారు. మంత్రి ఆదిములపు సురేష్ మాట్లాడుతూ...ఎల్లప్పుడూ వైకాపా ప్రభుత్వం బడుగు బలహీన వర్గాలకు అండగా నిలుస్తుందన్నారు. రాష్ట్రంలో అన్ని వర్గాల వారికి సమానమైన అవకాశాలు కల్పించడానికి ముఖ్యమంత్రి కృషిచేస్తున్నారని తెలిపారు. వచ్చే ఏడాది నుంచి అన్ని పాఠశాలల్లో ఇంగ్లీష్ మీడియం ప్రారంభిస్తున్నామని పేర్కొన్నారు.
ఎల్లప్పుడూ వైకాపా ప్రభుత్వం బడుగు బలహీన వర్గాలకు అండగా నిలుస్తుంది
